 08-31-2007, 04:02 PM | #1 (permalink) |
| عضو جديد تاريخ التسجيل: 08-30-2007 المشاركات: 125 |  حصري : قصة تسجيلي في منتداكم.....................لاتفوتكم
في صباح من الصباحات الحارة والشمس الحارقةكانت الساعه السابعه والبنات كلهم متجمعين على شاشة اللاب توب<<<حشى كانهم اول مرة يشوفون شاشه....
وجالسين يتفرجون على شبيه نانسي عجرم وهم ميتين ضحك على هالعقليات<<من جد اللهم لاشماته...
الا وتصرخ فيهم تلميذة افلاطون: وجع يابنات وش ذا خلاص متت من الجوع, من الفجر واحنا ننتظر الفطور (وكان اخوي مواعدني يطلعني نفطر وعازمة البنات) وامسك جوالي وادق على رقمه الثاني وكنت ماخزنته, فغلطت بالرقم وانا مدري
واذا به يرن ويرن ثم يرد شخص<<<متعوب ع اللغه
وانا على طول وبدون مقدمات : يافلان وين الفطور
الشخص المجهول : عفوآ
انا : يؤ.........والله اسف......شكلي غلطانه بالرقم
الشخص المجهول: سكر الخط في وجهي
انا : وجع ماعنده ذوق , مايعرف يقول : ماصار الا الخير.....مع السلامه
ومايمديني اجلس نص ساعه الا رجع يتصل
الشخص المجهول : بالله .......وش سالفتك؟؟....وهقتيني مع المدير وانا باوقع (اتوقع الاخ موظف)
انا : والله اسفه غلطت بالرقم واعتذر...........يالله تامر على شي؟
الشخص المجهول: لا...سلامتك.......لكن كني سمعتك تبين فطور.....انا تحت الخدمه
انا : لا مشكور .........يعطيك العافيه
وانتهت المكالمه على خير ........ورحنا نفطر.........ورجعنا ونمنا...
وانتبهت الساعه 10 وزياده على صوت نغمة جوالي وارد على طول والاقيه هو نفس الشخص المجهول ورديت وانا مفزوعه: ايوآآآآآآآآآآ
الشخص المجهول: بالله ممكن سؤال..........وش عاصمة نيبال<<<والله شكيت الاخ مشترك في برنامج من سيربح المليون
انا : ياشيخ انا نايمه.......بليز........ايش القلق هذا؟؟؟
وصار الاخ عنده عزة نفس وقال: قلق ....... انتي قلتي قلق.........اوكي باي
وفعلا صارت اخرمكالمه بيني وبينه............!!!!!!!!!!
وبعدها بوقت جت الوالده تصحي فيني انا والبنات وتقولنا: يالله اصحو
وجع يوجعكم......تبون تطلعون معنا للثمامه.........والا اقعدو ووسعو علينا في السيارة<<<والله من جد اعاني اذا اجتمعنا من ضيق ونصير طبقات
وماامداها تنتهي من كلامها الا تشوف الطقاق ع الحمام
المهم وبعد مادخلنا احدى المنتزهات قررنا انا والشله نروح نلعب, عاد انا موتي اشوف العاب ولا العب<<<الله يعين بكرا باتهاوش انا وعيالي ع الملاهي
ويوم رحنا عند كشك التذاكر الا ويرن جوالي وأطلعه باشوف مين, الا هو نفس الشخص المجهول وقلت : لا حول وش يبي ذا ...........
وارد : الوووووووووووووووووووو
هو : هلا والله , كيفك ؟؟؟
انا: الحمدلله , ولو سمحت انا طالعه للثمامه وباروح العب , لاتضيع وقتي
هو : بالله وين طالعه؟؟؟
انا : منتزة........... ( مانسوي دعايه ), ليش بغيت شي.؟
هو : والله من جدك, خلاص وينك فيه؟؟؟
انا : انتبه بس ترى قدامك مطبات, لاتسرع , واحدد له مكاني بالظبط, <<وانا واثقه انه مستحيل يجي
المهم بعد خمس دقائق بالتمام الا واشوف واحد خلو ووسيم وجسمه يجنن ولابس الثوب والشماغ وريحة عطره جيفنشي ويشبه عمران عباس
ويوم شفته شوي الا وادوخ من هالكشخه والرزة والثقل<<<لا من زين الوجه يوم اقول عنه قلق.....مالت ع حظي .......زين ان عطاني وجه
المهم جاء وسلم علي وقال: انا فلان وحبيت اسلم عليك واناسف لك على القلق والازعاج اللي تقولين وابيك تقبلين هديتي المتواضعه اللي هي نلعب انا واياك كم لعبه
انا ع طول : لا قلق ولا شي ....الا الساعه المباركه اما بالنسبه لهديتك فانا طبعا موافقه موافقه...........
المهم لعبنا كم لعبه حلوة مع بعض وبعدين قال لي : بعد هالتعب , باعزمك ع قهوة قبل مااطلع اذا ماعندك مانع
وانا وافقت ومن دون تفكير<<<وجه فقر...محد قد عطاها وجه وعزمها
والبنات معصبين علي والشرر يتطاير من عيونهم وقالت لي وحد منهم : وش هالجراءه اللي فيك؟؟ تراك مو صاحيه اليوم!!!!!!!
وارد عليها ع جنب ماابيه يسمع: اقول انقلعي, شوفي هالمزيون معطيني وجه وتبيني ارده , صاحيه انتي....هوا انا محصله احد يعطيني وجه ....
المهم تركناهم ورحنا للمقهى وطلبنا فربتشينو توفي
وع بال مايجي الطلب جلس يسولف معي شوي و عزمني على منتدى لوعة الخاطر
انا : غالي والطلب رخيص, ليش مااسجل , انت تامر وانا اطامر<<من زيني اتشرط بعد عليه
المهم وخذتنا السوالف وقرب لي ومسك يدي وتوه مقرب وجهه
ولاا نتبهت الا بيد ماسكه كتفي ومويه بارده ع وجهي, وقمت مفزوعه والا الاقيها الشغاله لها ساعه تصحيني وتقول:
يالله قووووم...........ساعه الهين تسعه وانتا مافي صلي....وبعدين فيه روح عزومه..
وانا ارد : ياحبي لك بس يا سونارتي ...الحمدلله انه انتي ...مو الهيئه<<<توبه , مافي دشارة في الاحلام بعد اليوم
ورحت للعزومه , وانا مشغول بالي وبعد مارجعنا على طول جلست عالنت
واكتب في الشيخ قوقل: لوعة الخاطر
وسلامتكم .............. لي عوده في قصص اخرى
ولكن مازال البحث جاري عن الشخص المجهول في المنتدى!!!!!!!!!!
هاه ياشباب من هو اللي بهالمواصفات.....واللي كان عازمني في الحلم.....
يعرفني بنفسه<<<ياهووووووو....القصه كلها مززززح...لا تاخذونها جد
الا ويطلع لي منتداكم, واجلس اصارخ من الوناسه وعلى طول سجلت واتمنى تقبلوني صديقه خفيفة طل معكم..... |
 |  |
العرض العادي
