أسيرة المشاعر

صمتي اللي لو تهجيّته جرحني كثر بوحه
يستلّذ الطعن فيني وان تماديت اعتراني

كل ما زالت جروحه قلت : ما زالت جروحه
تستثير الدمع وتغلّف بالاحزان الثواني

وانت يا اوّل من وطى قلبي بــ جدّه عن مزوحه
ما تشوف انك وطيت القلب باصرار وتفاني ؟

انت اناني قلب يا بحرٍ تنفّسه الملوحه
انت جمره تشتعل وتسيل في داخل كياني

كل قلبٍ ما يشوف انك طموحه وش طموحه ؟!!
كل روحٍ ما تمنّت شوفك بليا أماني

انت لا منّك زعلت تصير دنيانا شحوحه
لا قصيد يسلّي الخاطر ولا حتى أغاني

يا حبيبي بس تدري عاد / طالبك السموحه
ما قصدت اجرح شعورك يوم اقول انك أناني


الغلا لو هو ( قطر ) بتشوف قلبي صار ( دوحه )
انت ما شفت الغلا وشلون كله لـــ آل ثاني ؟؟