اصعب سؤال… اللي جوابه للأسف مثله ( سؤال ) !!
ما هو تفلسف !! الا موقف صار واسمع "ثاني بيت" :
البارحة يومه سأل : ( وش ذكرك ذيك الليـال ؟ )
كان الجواب بكل بساطه : ( من متى اصلا نسيـت ؟ )
ادري بان جمع ( الصعوبه والبساطه ) شي محال !!
لكنها صارت كذا ! واللي (( اهـم )) انـي دريـت :
ان الحيـاه فبعـد احبابـك اذا جـف الـوصـال
أتعيشها لو تقتنع انك خـلااص اصبحـت ( ميـت !!)
يا صاحبي لو كـل شـي يمـر بالخاطـر يقـال
مـا كانـت العبـرة تولجنـي اليامنـك طـريـت ؟!
شفني قدرت احبس دموعي بس ( دمع القاف ) سال
ويا كبرها ساكـت ولكـن داخـل اوراقـي بكيـت !!
عمر الحكي ما كان دافـي لاابتـدى بقولـة تعـال
لجل اتجاهـل رجفـة حروفـي اليامنـي حكيـت ..
الحال فـي بعـدك قسـم بالله مـا اسميـه حـال
انوي على الضحكه واحس كلي خطا لانـي نويـت ؟!
اتصور انك من رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!
مدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..
يرضيك ما عادت معي تفـرق اذا جالـك مجـال
لاني اقتنعت انك نهايه وانـي ببطـي مـا بديـت !!
صرت ( اعقد حجاجي ) اذا جابوك باطراف الجدال
وانا قبل لاقالوا اسمك كنـي : ميـت ثـم حييـت ..
تعبـت اعيـش الـدور وافتـح للمعاذيـر الخيـال
واتخيل اني جيـت فـي بالـك وبانـك استحيـت ..
وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخـي مابغيـت ! )
حتى وانا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت ..
قلي شسوي فيك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت ..
ربي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت ..
واذا بلاك الله وعذبك اشتياقـك (( بـس تعـال ))
واقرى القصايد في غيابك كلبوهـا بيـت ... بيـت ..
بتدرى إن ( أصعب سؤال ) اللي يجي رده ( سؤال )
لا قلتلي ( وش ذكرك ؟ ) ثم قلتلك ( متى نسيـت ؟ )
محمد جار الله السهلي
:)
أصعب سؤال ..!! 
العرض العادي
