صباح الخير يا يمه .. صباح الحب يـا عمـري
رضاج اجمل صباحاتي وزعلـج والله يشقينـي
غلاتج تاج ٍ براسي .. وسام ٍ في وسط صـدري
يفرحنـي فـرح قلبـج وهـمـج دوم يأذيـنـي
عيونج شمسي يا يمه وجبينج بـدري يـا بـدري
يا يمه يا ضيا هالبيت يا نور الدنيـا فـي عينـي
تحملتي شقانا وصـار يجاريـج الشقـا.. أدري
تدارين الحزن لأجلـي عـن الضيقـة تدارينـي
تعزينـي علـى نفسج..تزيـدي بالغـلا قـدري
عسى الله يطـول بعمـرج ويقدرنـي ويخلينـي
أشيلج فوق اكبر راسي .. أبيع الغالي لج وأشتري
رضا المولى وبعده رضاج أمل دنيـاي بسنينـي
صباحج سعد يا يمه .. يا حب بمهجتـي يسـري
في ضحكاتج وبسماتـج تكـون الدنيـا بيدينـي
تخليني بكلمة حب يا احلـى مـا كتـب فكـري
وانا اتغنى في اوصافج .. أحس الفرحه تملينـي
سهرت الليل لعيونـج أخـط بدفتـري شعـري
وأنا ادري يا بعـد راسـي دفاتـر مـا تكفينـي...
صــــباح الخير يايمـــــــه 
العرض العادي
