قصيده غزليه اعجبتني
اقبلت مثل السحاب الممطره فوق النخيل
من وبلها يرتعش غصن السنين المثمره
وشهد انّي قد لمحت العزّ بالرمش الكحيل
ابسواد العين والله كل صعبٍ تكسره
ولاحكت والصوت كنّه خيلةٍ تصهل صهيل
لهمست بذني تحس القاع غيمه ممطره
لضحكت ياناس تبري كل جرحٍ بي عليل
تصبح اهمومي قديمه .. وخط فرحي مسطره
ولاتهاوت بالطريق الجرهدي يصبح سهيل
ابخطاويها تلطّف كل نجسٍ تطهره
ولا دبرت وآنا اتغزّل اصبح الهم لي عديل
كنّها حطّت بقلبي ( ذنب ) دون المغفره
ياعشيري والله انّك نادراً مالك مثيل
طالبك اقرب شويّه خل ليلي نسهره
.... بالهمس ولاّ ....بصوتاً طويل
لمهم انّك تكوني جمب قلبي ساهره
ودّي ابرشفة شفاتك دام فيني عزّ حيل
ودّي والله بصدري اضمّك وندفن للآخره
ودّي آتابع عيونك ونذبح فيها وخيل
ودّي ابلمسة حنان الطيب ياحلى سكره
ودّي من دلّة هوانا تسقي الريق الغليل
ودّي آخذ مع زفيرك زفر روحي وزفره
ودّي اسكن في عيونك كنّي الضيف الدخيل
ودّي مايفصلني عنّك وعن طريقك اشعره
ودّي ابليله جميلة تنتهي فوق النخيل
من وبلها يرتعش غصن السنين المثمره
~ فــوق النخيــل ~ 
العرض العادي
