روحي تجوع لشوفتك مليت طالـت وحدتـي
وين أنت ؟ ياسبة عنا قلبي وسبـة فرحتـه !
.
تعبت أناظر ساعتـي والشـوق ذاب بشفتـي
ماغير اردد آهتـي والقلـب حـار بلوعتـه

الحزن بغيابك سكن عيني وفـاض بغرفتـي
حتى جديلي من سـواد الهـم زادت ظلمتـه

ليلة على شط الحزن سالت مدامـع حسرتـي
من كثر ما احس الضجيج القلب جمره وحشته

احاول ازرع للوهم كذبـه و رجـع بسمتـي
ما ودي أنهار وتصير الروح ملك لسطوتـه

اموت بك حد الجنون.. ليتك تحـس بلهفتـي
ياللي معلقني علـى جسـر القصيـد وطلتـه

أسري مع طيوفك وأنا دمعي مغرق غرتـي
وخوفي انك مهتني بالنـوم هاجـر وردتـه

تسرقني ظنون السهر حتى تمـادت غربتـي
أحاول أصرخ مالقيت أفواه تطعـن سهوتـه

وكني اهمك يا بعد هالنـاس تكفـى بعادي
ان كان با قي لي غلا قلبي ارجـع بسمتـه

تعال لملمني وفا.. تعـال وامسـح دمعتـي
الطرف من كثر البكاء ضامي وجفت عبرته

** كلمات الامير/ بدر بن عبدالمحسن/