الأرض جفت يوم وقـف مطرهـاوالشي لامن راح ما ينفع الصوت

سهيت لحظة هايـم ٍ فـي نحرهـاكنت أحسب إنه حلم يا ناس ويفوت

في ليلة ٍ ما ينعرف مـن قمرهـاجتني حياتي لين حسيت بالمـوت

لبى العيون اللي خذانـي نظرهـاوفديت خشتها من التـوت للتـوت

موسوعة بالحب جيت أختصرهـالقيت عدوان الغلا وسـط تابـوت

عوبا وكف العين تخشها خطرهـاإن عمرت بيتين, تهدم لهـا بيـوت

ما جيت أعلمها الغـلا وأنتظرهـاوفرصة ويلقاها من الناس مبخوت

إن كانها الميناء, ترانـي بحرهـاأشواقي المحار وأحيـان ياقـوت

ليت الهبوب اللي تلاعب شعرهـاتجعل غلاها بين الأضلاع منحوت

قمت أتكاثر شوقي اللـي غمرهـاأحبهـا مـرات وأشوتهـا شـوت

غيري ربحها, مير قلبي خسرهـانزعت باقيها مثل ما أنزع الكـوت

عوّدت رجلي مـا تطالـع أثرهـاوالناس يشبعها قليل ٍ مـن القـوت

قصيدتـي طالـت وهـذا قدرهـاراحت وأنـا والله أحبهـا مـوت