المرجلة ماهي شنب او رنج اخر موديل !!

10-26-2006, 02:10 PM

المرجلة ماهي شنب او رنج من اخر موديل

المرجلة يا صاحبي فزعة تقوملها رجال

ماهي بثياب ولا فلوس او ساعه من ماركة شانييل

المرجلة صبر الخوي لا صارت احمولي ثقال

لا قلت له الفزعه فزع لو هزني الحمل الثقيل

واشوفه عاليمنى ضوى من قبل اناديله تعال

والقاه في دربي خوي ما يكسره الدرب الطويل

انعين ونعاون ولا تكسرنا هامات الجبال

هذي المخوه يا الخوي كانك تبا خل وخليل

تلقى افكلامه الاجوبه من قبل لا اتقول السؤال

هذا الخوي يا صاحبي لا ملت م الدنيا يميل

يبقى معك دومه معك ما يكسره قيلن وقال

لو يقتلك هم وقسى اتشوفه من قبلك قتيل

هذا الخوي يا صاحبي هذا الذي صعب المنال

وينه الخوي؟يا دنيتي ذاك الذي يبقى اصيل

ذاك الذي ما يكترث للرنج ويقوده ريال

10-26-2006, 02:16 PM

صح لساان من قالهاا .. اي بالله مايكترث للرنج ولا يقوده الريال وانا اشهد

يعطيج العاافيه اختي

10-26-2006, 04:32 PM

تسلمين ع المرور الحلو والطله الاحلى !

10-26-2006, 05:34 PM

هذا الخوي يا صاحبي لا ملت م الدنيا يميل

يبقى معك دومه معك ما يكسره قيلن وقال

لو يقتلك هم وقسى اتشوفه من قبلك قتيل

هذا الخوي يا صاحبي هذا الذي صعب المنال

مشكوره اختى مجنونه
ولاهنتي على القصيده الرائعه
لج مني كل احترام وتقدير