أنا ماكتبت الشعر لأجل غيري من الناس يقــــــرون
ولا كتبت الشعر لأجل يسبق اسمي لقب شاعـــــــر


أنا أكتب كل مابداخلي من إحساس مكنــــــــــــون
وأكتب كل ماشفته جميل أو يكسر الخاطـــــــــــــر


أفضفض للقلم وينثتر حبره على الورق بالهـــــــون
يجمع شتاتي ويكتب ماتملي عليه المشاعـــــــــــــر


يبعثر أوراق حزني ويتلقى بظهره طعــــــــــــون
يتلقى للعذال ..ويصمل معي لاغدى الوقت جايـــــــــــر


حفظ عهده معي .. يوم غيره من الربع مايصـــــــون
عشرت سنين انقضت مابين .. جاحد وناكــــــــــر


فكه من كل الشياطين وفكه من كل ملعــــــــــــون
وش حاجتي بهم دام فكري معي والقلم حاضــــــــــر


بعز نفسي وابتعد عن اللي يضرون ولا ينفعـــــــــون
حتى لو كان واحدٍ من بينهم بالعلم شاطـــــــــــــر

لاني مخاوي علمهم ولاني مخاوي المزيـــــــــون
بخاوي كل منهو على حل العقود قـــــــــــــــــادر

اشتري خوته لو يقولون عنه ما يقولـــــــــــــــون
وادور عنه لو يكون من المخاليق نــــــــــــــــادر

اشتري راحة الكيف مع بعض الشقى مقـــــــــــرون
واشتري بسمتي لو هي على ذبح كافـــــــــــــــــر

أرجع وأقول ماكتب الشعر انا لأجل تقــــــــــرون
أنا انثر حروفي لكن القلم يسطرها بشكل ساحـــــــــــر

ولا كل من شالوا القلم يعرفون يكتبــــــــــــــــون
ولا كل من قال (أحبك حبيبتي) قال أنا شاعـــــــــــــــر