تعال اقول لك ثم بعدها فارق فراقك عيد
رح الله لايردك في حريقه انت وامثالك
انا مطلب رضاك ولاعليه لو زعلك يزيد
انا بقول لك كلمه وحطيها على بالك
اذا ودك تهينيني على ماقال حامد زيد
(حشا لانتي ولاغيرك ولا عشره من اشكالك)
اشوفنك تسمى بالسياده وانت منت بسيد
وهذا اكبر دليل انك تشوف النقص في حالك
خذتك الكبرياء والغطرسه ثم غرك التمجيد
ولايمدحك غير اللي فعوله تشبه افعالك
تبين الصدق معتوهه سقيمة عقل مابك فيد
سواياك وحركاتك هي الشاهد على ذلك
على بالك مكان(ن) منتي بقده وعنك بعيد
ياحسره ماعلى بالك خساره ماتهيالك
عليك ابعد من نجوم الثريا عن صحاري البيد
عليك انت وعلى جدك وابوك وعمك وخالك
نصيحه لاتصرف هكذا ثم (ن) تجيب العيد
ترى من لايعرفك يعرفك لاسمع باقوالك
هذا اللي لك علي انصحك وكاننك تبين ازيد
علشانك تعرفي زين وش قدرك ومنزالك
ولكني محب السرد في الموضوع والترديد
هذا موجز عملك الله لا يزينك لك اعمالك
واذا ودك تهينيني اكرر ماسبق واعيد
(حشى لانتي ولاغيرك ولاميه من اشكالك)
نهايه غرور !@! 
العرض العادي
