الغـــريـب اقرب.. مع ان البنت لولد عمها!!!!!

10-22-2006, 01:03 AM

قصيده في مضموونها قصة واقعيه قد يعيشها البعض

الغريب اقرب ،،، مع ان البنت لابن عمها!!!!

دعَتْني وجيت للموعد وكنت مْن الفـرح كالطيـر
وجيت من العصر طاير مع ان الموعد المغـرب

وجتني بس مدري ليه شعرت الجيّة هذي غيـر
وهي تقرب من عيوني شعرت إن الممات أقـرب

وقلت الله يهوّنها عسى فـي جيّتـك لـي خيـر
انا من شفتك أقبلتي وانـا خايـف ومستغـرب

على كثر الحكي مـدري كأنّـه خانهـا التعبيـر
وقالت لي جُمـل وأشيـاء لا تكتـب ولا تعـرب

هدت فجأة تطالعني وأنـا فـي حاجـة التفسيـر
لجل نحكي بهدوء اكثر سألت: الحلوة وش تشرب ؟؟

فصاحت بي انا احبك ولك فـي هالحشـا تقديـر
وتدري ان المثل فيـنـا وفـي احساسنـا يُـضـرب

وكنت انت الوفي وانت البري من تهمة التقصير
ولكن ذي عـوايدهـم مـن ايـام وزمـن يـثـرب

تكون البنت لابن العم ورغبـات الكبـار تصـيـر
وتدري الاقربون اولى .. مع انك للـخـفوق أقرب

وتدري للقـدر كلمـة.. لعـادات الأهـل تأثيـر
لذا أرجوك تتركني وانـا مـن واقعـك باهـرب

شعرت بحكيها كنّـه قصـاص وامـر بالتعزيـر
شعرت الدنيا ضاقت بي من المشرق ليا المغرب

مشت خلّت وراها طفل ما يـدرك وش التدبيـر
يحسب ان الغرام أشعار شاعر واغنيـة مطـرب

ضحكت وماقدرت اني ألاقـي لضحكتـي تبريـر
من اللي بوقتنا مرّه ضحك من لدغـة العقـرب

رفضت أستوعب اللي صار ولا استسلمت للتغيير
ثمان سنين اجي نفس المكان بساعـة المغـرب

ورغم ان الثمان سنين جـرح وكلّفتنـي كثيـر
أنا لليوم أجي وأدعي.. تجـــــي يارب .. تجـــي يارب

تحيتي؛؛؛؛؛

10-22-2006, 01:52 AM

صح الله لسان القائل

وتسلم لي إيدينك أخوي ( الأهــــــــــ1ــــــــــم )

على النقل الرائع فعلاً ... قصيده أكثر من روعة

والله أول مره أقراها

كل بيت أحلى من الثاني أحترت أحط لك أي بيت

الصراحه قمة الروعة ... ننتظر الجديد .. لك كل الشكر والتقدير

وإلى الأمام دووووووووم يالغالي

أخوك / راشــــــــد

10-22-2006, 01:57 AM

مشكور اخوى فورمات ويعطيك الف عافيه
لك مني كل احترام وتقدير
وردودك يعلم الله انها تسعدني
ولك مني كل احترام وتقدير

10-22-2006, 02:12 AM

[[وتدري للقـدر كلمـة.. لعـادات الأهـل تأثيـر
يعطيك لعافية على هالقصيدة ’’’ المؤثــــره

ضحكت وماقدرت اني ألاقـي لضحكتـي تبريـر

وأنــــا من اللـــي ماأيد ان البنــت تكــون لولد عمـها حرصا على عدم انتقـــال الامراض الوراثية بعيد الشــر .... والمثـــل يقول روح بعيد ورد سالــم ’’’

[]والله لايحرم أي أثنين من بعــــــض

10-22-2006, 02:17 AM

مشكوره اختى سالفه قلبين
والله لايحرمنا من ردودج الحلوه
لج مني كل الشكر والتقدير
الله يسمع منج اختى
ولاهنتي على الطله الحلوه

10-22-2006, 02:18 AM

صح الله لسانك ولسان من قايلها
مشكور اخوي على الابيات الحلوة ويعطيك الف عافيه

وياليت لو الاهل يتركون هالعادة ويكونون اكثر تفاهم مع عيالهم لان بصراحه وايد شباب وبنات ضاعو من نفس القضيه ووايد حالات طلاق صارت على نفس القصه

10-22-2006, 02:22 AM

مشكوره اختى بنت حوى
ويعطيج الف عافيه
لج مني كل احترام وتقدير
تحاتي واحتراماتي لج
الله يسمع منج اختى

10-22-2006, 02:30 AM

رفضت أستوعب اللي صار ولا استسلمت للتغيير
ثمان سنين اجي نفس المكان بساعـة المغـرب

ورغم ان الثمان سنين جـرح وكلّفتنـي كثيـر
أنا لليوم أجي وأدعي.. تجـــــي يارب .. تجـــي يارب

يعطيك الف عافيه أهــــ1ـــم

فعلا قصيده رائعه

والله لا يحرمنا من ذوقك

10-22-2006, 02:35 AM

مشكوره اختى دانه قطر
ويعطيج الف عافيه
لج مني كل احترام وتقدير
ولاهنتي على الرد الحلو
تحاتي وتقديري لج اختى