* نسيتني *

10-21-2006, 03:21 AM

* نسيتني *

نسيتني علّمني شْلون اب.. انسـاك
في هالزمن نسيان الاحبـاب عـادي

وشلون لامرّت على البـال ذكـراك
وطيفك سرق منـي لذيـذ الرقـادي

وشْلون لاقالوا لي الناس وش جاك ؟
من كنت فـي لّـة منامـك تنـادي

وشْلون اعيش اللـي بقالـي بليّـاك
لا من غدينا كل واحـد بـوادي !!!

لو قلت اداوي جرحي اللي تباطـاك
ماكلّ جـرح يْفيـد فيـه الضمـادي

اعلنـت حبـك ليـن كـل تمنـاك
غلطة وغيري من خطاي استفـادي

لو لي مثل قلبـك تمنيـت فرقـاك
واكيد قبلك بالجفا صـرت بـادي ؟؟

حلـوه عذاريبـك وحلـوه مزيـاك
حتى بيوم (فراقنـا) كنـت هـادي

كنّ الليالي ودهـا تكسـب رْضـاك
وأنا يطـول مْـع الليالـي جهـادي

في ذمتي .. ماهي غريبة خطاياك ؟
=مبطي وقلبك لو تنبّهـت غـادي !

سهلة على من كان مثلك وشـرواك
( مثل الثياب يغيرّون المبـادي ) !!

علمني اكـره ذكرياتـك وطريـاك
وانسى من الليله صدوق الـودادي !

ولاني بقايل عقبها وين اب القـاك ؟
راضي لو ان جروح قلبي جـدادي

ولاّ القصايد جعلها مـن فدايـاك ؟
لبّستهـا مبطـي ثيـاب الحـدادي !

باكر على المخطي يدورنّ الافـلاك
ونشوف من يصعب عليه البعـادي ؟

تقبلوا فائق الاحترام والتقدير

10-21-2006, 03:34 AM

لو لي مثل قلبـك تمنيـت فرقـاك
واكيد قبلك بالجفا صـرت بـادي ؟؟

حلـوه عذاريبـك وحلـوه مزيـاك
حتى بيوم (فراقنـا) كنـت هـادي

والله القصيده رووووووووعه
مشكوره وماقصرتي
ولج مني كل احترام وتقدير
وننطر جديدج
تحياتي وتقديري لج

10-21-2006, 05:26 AM

يعطيك العافيه أهــ1ــم

وأشكر لك مرورك وردك الحلو

وان شاءالله ما انحرم من هالطله

10-21-2006, 09:29 AM

تسلمين دندوون عالكلمات الرائعه والراقيه
وهالشئ موجديد عليج..صديقتي وطالعه علي :rolleyes:
اشوفج على خير :D

10-21-2006, 08:07 PM

يعطيج الف عافيه يالغلا

وعساني ما انحرم من هالطله الحلوه

10-21-2006, 09:10 PM

بــــاكـــر عــلـى الـمـخـطـي يــدورنّ الافـــــلاك

ونـشـوف مـــن يــصــعــب عــلـيـه الـبــعــادي

صح الله لسان القائل

ومشكوره أختي على النقل

ويعطيج العافيه

10-21-2006, 10:03 PM

هلا ومرحبا اخوي فورمات

ويعطيك العافيه على المرور والرد

10-26-2006, 11:41 AM

مشكوره اختي على القصيده الحلوه ويعطيج العافيه اختي