خالد

10-13-2006, 12:49 AM

واحد اسمه خالد جاه مرض و قالوله انه بيموت كتب الشعر لصديقه يقول له فيه انه يحب حبيبته و

يبي من أخوه هذا انه يخليها تنساه اقرأ القصيده والله تستاهل ....

وربي كل من قرائها دمعت عينه

وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها .......... ملامح وجهي و تنساني

وتعزفها قصيدة حب .......... على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

أنا عودتها دااايم .........أدلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليّا حدود

وصاتي لك تحفّظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

أبيها لوحةٍ تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركّبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفّرها ........ بلاد الشام و لبناني

ترى يحلالها تقطف ورده ........ وردة من بلد الورود

وصاتي لك تراقصها ........ علىألحان رحباني

ترى فيها عرق خالة ........ وفيها من جنون السود

وصاتي لك تحببها ........ فأبونورة بعد هاني

وتنسيها ندم غلطة ........ أنا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخلّيني أنا الظالم ........ وأنا من حرق الاخدود

وصاتي لك تشبّهني ........ بدمٍ أحمــــــــرٍ قاني

وانا هالقاتل السفاح ........ مجرم من عصر نمرود

وصاتي لك تحلّفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود

وسلامتكم

10-13-2006, 01:25 AM

وصاتي لك تناديها ........ حياتي..عمري..ازماني

أنا عودتها دااايم .........أدلعها وانا موجود

تسلميين اختي على القصيده الحلوة، الشي اللي عجبني واللي يعجبني دوم في اللي

يحب انه لما يفكر في الفراق و يبتعد عن حبيبته يبي لها الخير ويتمناه لها مثل ما

يتمناه لنفسه واشلون وهذا على فراش الموت وهم فكر فيها و وصى رفيجه بها

10-13-2006, 01:39 AM

مشكور اخوي على المرور والرد

10-13-2006, 05:04 AM

تسلمين بنت حواء

يعطيج الف عافيه

قصيده رائعه وكلمات مؤثره

10-13-2006, 06:48 AM

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تكلمها ........ عن المجني وعن الجاني

وتخلّيني أنا الظالم ........ وأنا من حرق الاخدود

صدق من قال عشق بدوي ماهوب كذاب ... يسلموو اختي عجبتني القصيده روعه يعطيج العافيه بس حزني هالبيت يوم قاله .................:(

أمانه ضمها بقلبك ........ ترى خالد....رحل مايعود

10-13-2006, 04:51 PM

مشكور على المرور والرد
ويعطيكم العافيه

10-13-2006, 05:15 PM

صح الله لسان القائل

وتسلمين أختي على النقل

قصيده فعلا حلوه إللي محليها أكثر إسم خالد ...

على إسم أخوي الله يحفظه ويخليه يارب

مشكوره الغاليه مره ثانيه

10-13-2006, 09:14 PM

وصاتي لك تحفّظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

أبيها لوحةٍ تبقى ........ على طول الزمن محدود

قصيده روعه وكلمات مؤثرة ويعطيج العافيه اختي وننتظر جديدج