السلام عليكم ورحمة الله وبركاته
اخواني واخواتي
اعضاء منتدى
شيخ قطر
كيف حالكم
بتاريخ 23/7/2007
طلعت انا واخوياي
نتمشى بالسعوديه
يوم خرجنى من المراكز
ومرينى الحساء
وتغدينى في غوزي
انا طلبت مثلوثه
والشباب على مزاجهم
المهم
يوم خلصنى غدى قلت الدور على اسوق لين مااطلعكم من الرياض
<<<<< انه هو الدليل
المهم
واحنى على طرق خريص
اشوف جدامي غبار مع ريحة حريق
الله كتب لنى عمر
لانه مرينى على حادث توه صاير
وانا كنت مسرع اشوي
رجعنى انى بنسعفهم
انا وقفت مكاني ماقدرت اسوي اي شي
شباب تخيلو معاي المنظر
تريله مع كابرس
الكابرس مخفوسه خفس
ماعرفت انها كابرس لين ماشفت علامتها الشفر
واحد داخل فيها يحترق
و2 ربعه واحد طايح على وجهه والثاني مايقدر يمشي
بس يصارخ تكفون طلعوه تكفون طلعوه
يقول ماله دنب احنى غصبناه على السفر
تكفون امانه
انا شعر جسمي وقف
ماقدرت اتحرك
جت الاسعاف وشالت الاثنين الي طلعو من السياره جراء الحادث
وانا للحين بمكاني ماتحرك
يمكن نص ساعه وانا واقف
والحمد لله اخوياي كانت قلوبهم قويه اشوي ومتعودين على مناظر اقوى من هذي
انا اول مره اوقف على حادث بالشكل هذا
يوم طلعو الي في السياره
ولا عظام اسود
اسود اسود اسود
انا هنا
مدريت بالدنيا ولا انا في الرياض عند مطعهم يبون يطلبون
اغمى على وشالوني ربعي وبالطريق يقولون اني اتكلم
بس ماقالوا لي شنو الكلام الي كنت اقوله
المهم يوم قمت
رحت صليت ودعيت لهم بالسلامه والميت دعيت له بالمغفره

ومنها تخيلو كنت اسوق بسرعه 200 وزود
قمت اسوق فيهم 120 واقل مرات
يقولن لي اسرع
اقولهم ماقدر
هذي قصه رويتها لكم
لانه بعض الناس ماتعتبر

ابي كل واحد يكتب رده
يدعي لهم بالمغفوره والسلامه

اللهم فرج مهم
الهم انه ضيفا اقبل عليك افكرهم
اللهم اني اسئلك ان تصبر أهلهم
اللهم امين اللهم امين