 أكلم اطرم وانا مادري/قصه حقيقية لي
السلام عليكم ورحمة الله وبركاته
اخواني اعضاء المنتدى
في يوم الاحد بتاريخ 24/6/2007
رحت لميزانية دبي
ابدل تواير
خبركم الحر تعب البوالين
ههههههههههههههههه
وانا هناك
مرو علي شخصيين
واحد مر ولا سلم المشكله مر من جدامي
والثاني ماسك بيده قلاص كرك
ومر جدامي وكان ماسك القلاص بيده اليمين ورفع القلاص انه يسلم علي
قلت بصوت عالي ومسموع
وعليكم السلام
بيني وبينكم انقهرت ليش الاول ماسلم علي والثاني رفع البايله على اساس انه سلام جديد
قلت ماراح اخليهم الا اعلمهم غلطهم
وانا اشوفهم من بعيد يتلاغون مع راعي المحل الباكستاني والباسكستاني مايرد عليهم بس ياشر في يده
المهم
يوم طلعوا وهم يركضون صوب موترهم ولا عندهم دارجه بانشي يبون يصلحونها عندهم
جيت صوبهم وسلمت عليهم محد رد السلام
سلمت مره ثانيه طالع لي الولد الي كان معاه القلاص وياشر بيديه يعني ويش تبي ؟
قلت له رد السلام بالاول ولا تقول يوش تبي
تتوقون شنو قال لي؟
توقعاتكم
ابي كل واحد منكم يحط نفسه مكاني ويمتعن بكلامه
يشر فوق بصبعه لله سبحانه
الي فهمته منه
انه الله سبحانه وتعالى:17[2]:
مخليه اطرم مايتكلم
ورحت للثاني :39[1]:
وقلت له يوم خويك اطرم ليش مارديت انت السلام
يالربع
طلع خويه اطرم بعد
انا هنا
ماعرف للغه الطرمان
ونسيت للي جاي انا على شانه
سويت له حركه يعني انه هو مرتاح في حالته
يقول انا مرتاح بس عيون الناس ماتفارقني مثلك
ههههههه
انا ضحكت لاني بس اخزه
يقول ولا مرتاح واحمد ربي
شباب وانا اكلمه تخيلت نفسي
انه الله معطيني نعمه اللسان ومفرط فيها بذكره
وهالاطرم يكلم الله بضميره وباشراته :17[2]:
شباب والله يوم خلص كلامه انه دمعت عيني جدامه ويمسحها لي
ويقول الله فوق
شباب الي حزني
انه يشر بيده مع اصوات مافهم لها وهو يتكلم يبي يفهمني
وانا ماافهم الا القليل منها
المهم يوم مسحت دمعتي وقال لي الله فوق
واروح
ولا يناديني
أأأأأأأأأأأأ
أأأأأأأأ
أأأأأأأأأأ
وانا امشي مارديت عليه
وهو يمسكني
ويشر على يديه على صدره ويرفعهم على شكل دعاء
ويقول لي بمعناته ادع لي الله
:20[1]: :20[1]: :20[1]:
وبعدها رجعت البيت وانا متضايق
واتفكر في الشخص
وقمت وتوضيت وصليت ركعتين ودعيت للولد
اللهم استر عليه دنيا واخره
اللهم ان كان سكوته خيرا له فاسكته حتى ياتي اجله وان كان النطق خيرا له فانطقه
اللهم انت اعلم مابصدورنا
فاستجب لدعاء
شباب قولو امين
اللهم لاتبلينى ولاتجلعنا عبره للناس
اللهم احسن خاتمتنا
اللهم امين اللهم امين __________________ URL=http://www.3rb2.net]  [/url]  سبحان الله وبحمده سبحان الله العظيم | 
العرض العادي
