لماذا نلجأ للشات ؟؟

10-19-2006, 02:32 AM

بسم الله الرحمن الرحيم

السلام عليكم ورحمه الله وبركاته

لماذا تلجأ ( اغلبيــــه ) الفتيات (الشباب )إلى الشات ؟... لماذا تلجأ الفتيات (الشباب )للدردشة؟

الموضوع يهم الفتيات اكثر من الشباب

السبب :
الفضفضة عن الهموم و المشكلات و كسب تعاطف الجنس الآخر .

العلاج:
لتكن الفضفضة في رحاب قيمي و ليس خاويا .. إسألي نفسك : ما الهدف
من الفضفضة الآن ؟ هل تجدين بعدها حلا أو تصلين إلى شيء ، أم أنها ليست
إلا مزيدا من الإستغلال من الطرف الاخر ، للوقوع في شباك الصيد ؟
ضعي للفضفضة معيارا مهما للغاية ، هو أن يكون الشخص الذي تتحدثين معه
معروفا لك تماما ، قريبا إليك ، على خبرة و دراية و أمانة

ــــــــــــــــــــــــــــــــــــــــــــــــــ

السبب:
الشعور بأنها محبوبة من الآخرين .

العلاج:
و لماذا تجعلين الدردشة عبر الإنترنت فقط ؟
دردشي مع أفراد أسرتك ، صديقاتك ، أظهري لهم محاسنك المعنوية و صفاتك
الخلقية ، و عندها ستجدين أنك محبوبة و مرغوبة ، تقربي إلى الله ما استطعتي
تكسبين محبته –عز وجل- و ذلك كفيل بأن يلقي الله محبتك في قلوب من يحيط بك .

ــــــــــــــــــــــــــــــــــــــــــــــــــ

السبب:
البحث عن كلمات الغزل و الحب .

العلاج:
و من أدراك أن كلمات الغزل و الحب هذه حقيقية ؟
الشات دردشة كذبها محتمل بنسبة90% دائما ، و هذا ما يقرره الواقع ، فكيف
تضمنين صدق الدردشة أو صدق أهدافها ؟ إستباق الأحداث يسمعك كلمات غزل قد
تحرمك من كلمات غزلية أخرى صادقة في المستقبل . لعلك تتسائلين كيف ؟ و
الإجابة : تذكري أن ما تسمعينه مؤقت ينتهي بإنتهاء المثير .

ــــــــــــــــــــــــــــــــــــــــــــــــــ

السبب:
للتسلية و المتعة و تفريغ الإنفعالات العاطفية .

العلاج:
هل تمارسين الرياضة .. هل لديك هواية .. ؟
هل لديك صداقات متعددة مع فتيات من عمرك ؟ هل تهتمين بتنمية ذاتك و تهذيب
مشاعرك بالإنخراط مع رفاق لديهم ميول علمية / ثقافية / أدبية / رياضية ؟
ما رأيك في المشاركة في عمل تطوعي في مجتمعك ?

وعلى فكره الكلام نفسه موجه للشباب

10-19-2006, 02:47 AM

مشكور اخوى احمد
وماقصرت فعلا
ويعطيك الف عافيه فعلا كلامك عين الصواب
تحياتي لك وللجميع ولكم فاق احترامي

10-19-2006, 02:49 AM

انا عن نفسي أدش الشات أظيع وقتي ...يعني أسولف واخذ اخبار نااس مااعرف في حدود المعقول والمسمووح طبعاا ..بس من يوم صرت أشوف السب والاشيااء الثانيه تحسفت اني دشيت في يوم من الاياام شات ..أكتشفت أن فيه فئه من النااس مايهمهاا الا القرض يعني سب ويتكلموون عن بنات او شباب الناس وكأنهم ولا شيئ طبعاا شروب انت فاهم مقصدي ..الحمدالله من دشينا الحان ماشفنا هالفئه الحمدالله حصلت وجيه طيبه ونااس تفكيرهم راقي ومحترمين .... يعطيك العافيه أحمدووه ويسلموو ,اربني كفيت ووفيت ولا طولت عليكم

10-19-2006, 04:03 AM

اولاً

يعطيك العافيه على هالموضوع الحساس نوعا ما

ثانياً

والمهم انك ما قلت لنا رايك بالاول ليش انت ادش الشات ؟؟

ثالثاً

انا ما اشوف ان الشات فيه شي اذا كان الشخص محترم نفسه ويعامل الكل

بأحترام وبدون خبث او استغلال .. بس المشكله ان كل اللي يدشون الشات

لهم مغزى واحد وبس وهو اشلون يطيح اكبر عدد من البنات ..

انا عن نفسي دخلت الشات عشان اتعرف على هالعالم اللي دوم اسمع عنه

ما اقولك اني فرحت فيه بالعكس كرهت الساعه اللي طاوعت فيها الشيطان

ودخلت الشات تعرفت على ناس وااااايد منهم الطيب ومنهم الشّرّي

بس الشاطر اللي يعرف يحافظ على نفسه عدل وما يمشي ورى السراب

وفي الاخير انا اعتبر عالم الشات كله كذبه ابطاله ناااس من الخيال مالهم

في الواقع اي مكان واللحظات اللي اعيشها في هالعالم اعتبرها حلم او كابوس

مابي اطول عليكم اكثر ..

بصراحه احمدووه ان عصبت عليك اشوي يوم لقيت الموضوع يتكلم بس عن

البنات والشات اغلبه شباب بس قلت اكيد احمدووه ما نزل هالموضوع

الا من خوفه علينا >>>> عاش واثق :rolleyes:

يعطيك العافيه مره ثانيه واسمح لي على الاطاله

وفي انتظار جديدك

10-19-2006, 01:27 PM

السلام عليكم ورحمه الله وبركاته

اخوي اهـــــ 1 ــــــم

اخت القمر

يعطيكم العافيه على الرد والمرور ولاتحرمونا هالطله الحلوه وسلمتوا ودمتوا لنا

اختي الدانه شخبارج :p ؟

بقول رأيي وبكل صراحه

انا اول مادخلت الشات كان هذا الكلام قبل 3 سنوات تقريباً وكان الهدف مضيعه الوقت والتسليه فقط لاغير لكن على خلاف ذلك لقيت الاغلبيه همهم اشلون يطيح اكبر عدد من البنات نفس ماقلتي وتركت الشات بسبب ظرووف ومارجعت له الا مع الربع شباب الحان وفيهم الخير والبركه والله ونفس ما انتي تشوفين سوالف وضحك ومسابقات ومناقشات بمواضيع حلوه يعني بصراحه انا بعض الاحيان استفيد من بعض الاعضاء بمعلومات ونفس ماقلتي الشات مافيه شئ اذا الواحد احترم نفسه <<< وهذا هو رأي بكل صراحه

وفي الاخير انا نزلت الموضوع بشكل موجه للبنات لسببين لان الضحيه تكون الفتاه والشاب يكون المفترس غالباً
السبب الثاني انه اغلبيه البنات غير اجتماعيات ماتطلع وايد ماتتكلم مع ناس وايد
تبحث عن شخص تفضفض وياه...........الخ الخ واعتقد تعرفون الباقي
عشان جذي البنت اول ماتسمع كلام معسول من اي شخص تنخدع ....الخ
مااقدر ازيد على هذا الكلام ولكن الله يهدي شبابنا وبناتنا

اتمنى محد يزعل من بعد دانه
المرة الجايه بحط رأي قبل عشان لحد يفهم غلط :o

اخوكم احمد

10-19-2006, 11:11 PM

ههههههههههه

أما مفترس حلوه أخوي ;)

ليش مايكون الشاب ضحيه ؟؟

وإذا البنت اللي ضايفه على الماسنجر أكثر من عشرة شو تقول عنها

بعد ضحيه .. هذه خسارة فيها كلمة أخت .. :p :p

يعطيك العافيه أخوي على الموضوع .. بس مجرد رأي

10-20-2006, 05:44 AM

السلام عليكم ورحمة الله وبركاته

اخوي احمدووه سلمت ودمت لنا

فرحت بردك الحلو واتمنى انك ما تكون زعلت مني انا بس قلت رايي

واحترم رايك وااااايد

والله لا يحرمنا من مواضيعك الحلوه

10-20-2006, 08:38 AM

سلام عليكم ورحمة الله وبركاته

يعطيكم العافية اخواني ماخليتو لي شي

انا مع كلام اخوي فورمات يوم قال (( ليش مايكون الشاب ضحيه ؟؟

وإذا البنت اللي ضايفه على الماسنجر أكثر من عشرة شو تقول عنها ))؟؟

يعني محد احسن من حد خلونا نشيل قناع البرائه عن البنات وخلونا متساوين اظن مافيها شي لو تساوينا؟؟

كل يوم نكتشف اقنعه يديده
يتم كشفها

ولحين نحاول نشيل باقي الاقنعة

ليش مانخلي المقنع يتعفن بقناعه؟؟؟

لكنه الفضول ويمكن الامل

وبتم بني أدم مجهوول !!!

ادمان الشات من اصعب انواع الادمان اللي ماتنفع معها ادوية
لنها مرتبطة ارتباطاً نفسياً

يمكن نتعرف في الشات على من يرفع من معنوياتنا يووم ننهار
ولكن نكتشف فيهم انه مثل اللي يرفع السكين ليطعن بالسيف

الشات طريقة للتواصل يعني ندخل نقعد مع ربعنا ونتعرف على ناس اشكال وانواع وكل يوم نتعرف على ناس انواع واشكال غريبه عجيبه حلوه ومب حلوه ننصدم فيهم واحيناً نتعرف عليهم اكثر ونطلع وياهم استار بكس بعد ^_^
واحيناً نروح الكرك :p

تحياتي لكم :)

10-20-2006, 09:49 AM

السلام عليكم ورحمة الله وبركاته

سووري بس حابه اضيف نقطه على كلام فورمات وحلوو

مادري والله احنا في معركه ولا شسالفه ضحايا وسكاكين وسيوف

وبعدين فورمات انت شكو في البنات اللي يضيفون ان شاءالله تضيف مليون

هي واخلاقها ولا حد قالك اعتبرها اختك

والله مادري اشلون انتوا تفكرون يعني احنا عندنا مشكله ونبي نتناقش فيها

نقاش حضاري مو احنا انقط عليكم اللوم ولا انتم تقطون اللوم علينا

كلنا ضحايا بس في فرق بين لما تكون البنت هي الضحيه وبين انه يكون الولد

هو الضحيه واظنكم فاهمين انا شقصد

واتمنى المره الجايه الاقي كلام منطقي اكثر اللي يذكر نقطه يذكر السبب

مو بس كلام من فراغ

وتقبلوا مني فائق الاحترام والتقدير

10-20-2006, 10:44 AM

ههههههههههههه اختي دانه اعصابج يمه محد حدد اظن اني جمعت واذا انتي تشكين بعمرج فا هذي مشكلتج وبعدين موضوع سيوف وسكاكين مثل مجرد مثل
محد قال انه انتي عندج سيف ولاسكين داشه عرض ومعصبه والله منتدى يعني كل واحد يقول رايه مالها داعي تجريح او نحدد حد معين وانا اظن اني قلت بنات وشباب سوه مافي فرق وبعد شنو اللي يزعل
محد يقدر ينكر انه شات عالم خيال واللي في مجرد اقنعه وبعدين مره ثانيه قبل لا تحكمين على شي افهمي الموضوع عدل قبل لاتحكمين عليه

اتمنى يكون كلامي منطقي وحضار بنسبة لاختي دانه ولو اني مو متحضر كلش

سلاااام