الغربه.....

09-05-2006, 07:37 PM

عندي لكم سالفه...

عن الغربه.....

طبعا الكل قاعد يقول شسالفة نور والغربه..خخخخ

السالفة إني لما سافرت و طبعا أنا ما ابتعدت وايد رحت دولة عربيه
بصراحة لمدة شهر تقريبا بس حسيت بغربة و معاناة على كثر ما كنا نطلع و كنا مستانسين....

لما كان ايجي اليل.:( يكون خاطري اكون في قطر بين هلي وربعي
......

المهم مابي اطول عليكم...

للبنات...اسئلكم..

تقدر الوحدة تتزوج من بره ديرتها و تعيش هناك ، وتبتعد عن ديرتها واهلها وربعها....
طبعا أنا خصيت البنت لأن المعروف إن البنت تلحق زوجها وين ما راح ..

..... وحبيت..

أسوي مثل تصويت بين الجميع موافق أو غير موافق مع الآراء المختلفة طبعا و ياليت كل اللي دخل يشارك بهالموضوع الحساس ..

وللشباب.. اكيد في بعضكم مروا بالغربه..
اكيد للدراسه.. او غيرها.. اتمنى ان كل واحد فيكم يكتب مفهوم الغربه بنسبه له....

09-05-2006, 08:20 PM

مشكووووره اختي نور على الموضوع ؟؟

الصراحه أقولج الغاليه .. الانسان مهما استانس ومهما لقى في الغربه بس لازم

يحن لديرته ... الديره مب في مفهوم البعض اي انسان يحمل جواز فلاني والا

غيره ... الديره هي المكان اللي عشت فيه وتربيت فيه هاذي ديرتك ...

بس الديره او الدار الاخره هي احنا اللي نشتاق له اكثر .. الحين كل واحد فينا

مسافر لازم يتزود بزاد التقوى والايمان ... ( تزودوا فإن خير الزاد التقوى )

أختي نور .. ليس الغريب غريب الشام واليمن بل الغريب غريب اللحد والكفن

ومني لج اختي هالبيت (( شجن وفراق والغربه مريره والحزن مرسوم على

الأوراق واتمنى من الله أن تكون ريحية دارنا ريحة المسك والزهر وعبيره ))

:) أخوج / راشد :)

09-05-2006, 11:13 PM

يعطيك العافيه..

فورمات..

صراحه سكتني بردك..:rolleyes:

09-06-2006, 07:34 PM

مشكوره اختي على الموضوع الروعه بصراحه ما ازيد على كلام ولد خالتي فديته فورمات ننتظر الجديد منج

09-06-2006, 07:41 PM

يوسف وانت كله ماترد

كله ولد خالتي رد عني..

مب شاطر انزين

09-06-2006, 11:26 PM

نور فديتج تسلمين عالموضوع الحلو

انا مريت بهالموقف اني انخطبت لواحد من هلي بس مو عايش بقطر

ترددت وايد وافقت بالبدايه بس بعدين فكرت فيها عدل ورفضت

لاني اكيد بحتاج لهلي ومهما كانو اهله طيبين ماراح يكونون مثل امي وابوي على

الاقل اذا تعبت هنيه ببلادي بلاقي حد يوقف معاي وهلي بيكونون حوالي حتى لو

صارت مشكله لاقدر الله من بيكون معاي علشان جذي ماقدرت اتخيل اني ابعد عن

هلي وبلادي ورفضت

هذا رايي..

09-07-2006, 10:02 AM

تسلمين.. ريمي.. على مشاركتج...

وانا معاج والله.. عاى الاقل هنيه بتكونين بين هلج وناسج..

والله يعوضج و يرزقج..بالاحسن..

09-09-2006, 03:16 PM

بسم الله الرحمن الرحيم

تسلمين أختي نور على الموضوع الحلو

ومثل مايقولون الغربه بلى عنوان محد يحب يتغرب عن أهله وناسه ولا حتى ربعه بس أحيناً للضروره احكام ومثل ماقلتي البنت تتبع زوجها لما تتزوج
وانا ما أيد بنت تتزوج برا من بلادها سبحان الله لو تصير أي مشكله الله يبعدكم عن المشاكل ماعندها حد يوقف معاها ولا يساندها

والله يكتب لكم اللي فيه الخير

09-09-2006, 04:03 PM

شكرا ... على المرور ... بو فطفط ....

يعطيك العافيه... وانا مثل رايك.. مايد البنت تتزوج من برى ديرتها....

09-09-2006, 05:28 PM

تسلمين يا نوااااااري

بس والله ما اتخيل نفسي برع ديرتي

انا ان سافرت عنها ايام اتشفق عليها واحس اني ان رديت

بحب ترابها اول ما تنزل الطياره

صج الغربه مريره والله يرد كل مغترب لهله

بس هم ترى الغربه مب بس غربة الوطن الغربه الصج

هي غربة الروح

تخيلي نفسج عايشه في ديرتج وبين هلج وحاسه بغربه

هنيه صج المأساه لانج ما بتعرفين متى بتردين ولين متى بتستمر هالغربه

ومتى راح تنتهي

والله يعطيج الف عافيه