تقاليدنا والزواج عن حب !!! هل انته مع ام ضد ؟!

08-16-2006, 04:26 AM

السلام عليكم ورحمه الله
كيف الحال انشالله بخير ؟
ببدي بالموضوع على طول !
الكل يعرف انه احنا بمجتمعنا الخليجي ممنوع عندنا الحب قبل الزواج
وتقاليدنا لا تسمح بهذا النوع من الزواج .
انتو شنو رايكم عادي نحب قبل الزواج ؟ وايهو احس بنظركم ...
الزواج التقليدي( خطبه اهل ) ؟
او الزواج عن حب ؟ وليش ؟

08-16-2006, 05:15 AM

السلام عليكم ورحمه الله وبركاته
اخواني خواتي الاعضاء
اانا بودي اوضح شي وايد مهم جدا وهو الزواج اساس المجتمع ..وغلط نتزوج لهدف الزاوج فقط.. والحب اساس كل شي صح وحلو ورعه وهو الاخلاق الشرف.فلا يوجد تسامح بين اي طرفين ان لم يكن اهناك حب اشلون المراه تخلص وتضخي وتربي عيالها اذا ماكنت تحب زوجها فلنكون واقعيين هناك مقابل ولكن مع الحب المشاكل تكون علي قلبنا مثل العسل والتنازل هو اكثر اخذ ولو بيدنا نعطي منو نحب قلبنا وعيونا وروحنا سواء كان حب بالتلفون حب بنظره كل شخص وحسب ظروفه وموقفه لكن اهم شي نسال انفسنا قبل الزواج احبه او اقدر احبه لازم نعطي انفسنا فرصه وما نتسرع ولانخلي قلبنا بس الي يجاوب لا لازم كل شخص فينا يخلي عقله يناقش قلبه والحب الصحي هو الي كون مبني علي الواقع والمنطق والدين والاخلاق ورضا الوالدين ومانكون وااايد خياليين
وانا برابي الحب هو مفتاح الي كل الطرق

08-16-2006, 09:01 AM

لا تعليق

لالالالالالا امزح :p

شوف اخوي اسير دامك قلت خلنا واقعين بكون معاك واقعي وصريح
اول شي مافي شي اسمه حب ( حب كذبه وابطاله اثنين واحد حنوون وثاني يخوون )
ابي اعرف في حد حب ومرتاح ؟؟؟ وابي اعرف في حد حب وما انجرح ؟ وابي اعرف في حد تزوج بالحب وماطلق وماتحسف ؟؟؟؟؟؟؟؟؟؟؟؟؟؟؟؟؟؟؟؟؟؟؟ اوكى انا معاكم احلى شي في الحب شقى بس مو يعني مذله بعد الزوااج وكله شك وتطريز اشدخل خخخخخ ياخي بعطيك الذبده اقصد ذبدة الكلام خخخخخخ :p انا مع زواج عن طريق الحب بس للاسف مافي حب شنسوي يعني مانتزوج مو كفايه علي نطرت وحده سبع سنوات :( في نهايه راحت مع غيري لووول استاهل ماخذت غير عوار القلب والعقده نفسيه آآه ... انسى الموضوع شوي واقولك قصة حياتي خخخخخ. انا ماجربت اتزوج بالحب بس بجرب لو كتب لي ربك اتزوج بالحب راح اتزوج ومابتردد: ( . واهم شي واحد لايفكر ياخذ له وحده مستواها اعلى منه مابقولكم ليش بس نصيحه . المهم تزوج واذا مافي فايده خذ الثانيه عندك اربع محاولااااات هههههههههههههههههه يعطيك العافيه اخوووي اسير المشاعر

اخووك حلووو وحزين :(

08-16-2006, 03:30 PM

السلام عليكم ورحمه االله وبركاته
مشكور اخوي احمد
علي المرور والمشاركه والطرح الجيد
والله يعطيك الف عافيه
بس حاب اقولك هذه يعني مب نهايه
المشوار
وان شاء الله تحصل بنت الحلال
الزينه الي توصنك وتحبك
الله لا يحرمنا منك ومن التواصل
تقبل مني كل الاحترام والتقدير
اخوك
اسير المشاعر

08-16-2006, 06:09 PM

يعطيك العافية اخوي اسير على الموضوع
وكلامكم اثنينكم صح
الحب مطلوووووووب والحذر مطلووووب
والشاطر من يعادل بينهم

08-16-2006, 06:17 PM

يعطيك العافيه أخوي أسير على هالطرح الجميل وأحب أني أبدي رأيي
وبكل صراحه

7
7
7
7
7
7
7
كل شاب وبنت يفكر في الزواج بس الزواج مسؤوليه على عاتق الاثنين
سواء البنت او الشاب الزواج شئ جميل وهو نصف الدين مثل ماتعرفون
حياتنا فيها الالم وفيها الفرح هذا الحال بالنسبه للزواج مافيه أسره بدون مشاكل حتى لو كانت بسيطه هنيه السؤال يقول شو هو الافضل الزواج التقليدي او زواج الحب أحب أقول الاثنين انجحوا زواج التقليد احتمال الاثنين يحبوون بعض بعد الزواج وهذا يعود للاحترام والتفاهم المتبادل بينهم مع العشره يقدرون يحبون بعض زواج الحب بعد جايز الحب معاهم يستمر لحد آخر لحظه في حياتهم الثقه والاحترام والتفاهم هو اساس السعاده الزوجيه وطبعا في مجتمعنا الحب قبل الزواج مرفوض لانه عيب البنت تحب رجل غريب الحب شئ جميل في حياتنا بس نحن نرفضه لانه تقاليدنا ماتسمح لنا بهذا الشئ أحب اعيش سعيده مع الزوج اللي بيكون شريك حياتي واكيد بالتفاهم والثقه راح نحب بعض ونعيش في ثبات ونبات ونخلف صبيان وبنات

يعطيك العافيه اخوي اسير وننتظر جديدك

أنـــ الثريا ـــا ماهمني لبس عقوود ..صعب على من حبني يشتريني

كــان الثريــا توصلها كف يمناك ..حبي لك أبعد ماتطوله أياديك

08-16-2006, 06:21 PM

اخــــــــوي اسير موضوعك وايـــــــد حلو

انت قلت بالبدايه عادات وتقاليـــــــد يعني صعب تتغير

وبقولك شي ان البنت لو حبـــت وماتزوجها حبيبها شبيكون موقفها؟؟

هو عادي ريال ماعليه كلام وماراح ياثر عليه شي بس البنت بيجيها الكلام ومحد يرضى يتزوج وحده كان عندها حبيب

وحتى لو تزوجت بياثر بزواجها من نواحي وايد

وبالنسبه للاهل اذا قلت لامك احب وحده شلون بتتصرف اول شي بتسالك وين عرفتها وشلون كلمتها؟؟

وبتحط فبالها انها بنت مب زينه دامها تعرفت على شاب وبعد تصير مشاكل بعد الزواج

لان الشك بيكون موجود بيكون تفكيرك وتفكيرها نفس الشي ان مثل ماتعرفت عليها بتتعرف على غيرها وهو نفس الشي

الزواج التقليدي اظن وايد احسن وعندنا فتره الخطوبه اذا ماحبيته اقدر ارفض...

08-16-2006, 07:03 PM

السلام عليكم ورحمه الله وبركاته
مشكوره اخت سالفه
مشكوره اخت الثريا
مشكوره اخت ريميه
ما قصرتوا
مشاء الله عليكم الثلاثي المرح
كملكم مره وحده اكيد شله انتم
ههههههه
الله يعطيكم الف عافيه
ومشكورين علي طرح
وتبادل الافكار
تقبلوا مني كل الاحترام والتقدير

08-16-2006, 08:00 PM

تسلم اسير على الموضوع المطروح وهو موضوع لكل من
الشباب والبنات

اول شي بقولك الحب مطلوب في كل حياتنا
واذا قلنا ايهما تفضل الحب قبل الزواج او بعده؟ بقولك الاثنين

لان محد عارف اذا ظروفه تسمح له انه يتزوج او لا؟
فليش اقعد بدون حب واحرم نفسي وقلبي من الحب واكون في فراغ عاطفي

صحيح اني حبيت مانكر هالشي واستمرينا لمدة سبع او ثمان سنوات بس بالاخير تزوجت او اهلها اجبروها على الزواج لاني ماقدر اوفر له الحياه اللي تستاهلها

(شسوي كنت حافي و منتف) خخخخخخخ
بس الحمدالله تزوجت عقبها بسبع سنوات

يعني بالنسبه لي ماشوف ان الانسان اذا حب ارتكب جريمه والحب مافيه خوف وانا خوك
اللي يحب يكون جرئ فيه

واذا كنت اقدر اتزوج حبي الاولي كان تزوجتها بس ظروفي ماسمحت لي
والحين تزوجت واستقريت ومابي اطول اكثر من جذي

وكل واحد له راي وياييد رايه. وانا قلت رأي بطل صراحه

08-16-2006, 09:38 PM

الزواج التقليدي او زواج الحب ؟؟

تسلم اسير على الموضوع الرائع ..

قبل لا ارد على السؤال احب اسألكم يالشباب اللي رديتوا على الموضوع

سؤال وانت اولهم اسير بما انك انت اللي طرحت الموضوع ؟؟

أذا جات أختك وقالت لك انها تحب واحد ويبي يتقدم لها

انت يا اسير وحلو وبوشهاب شنو بتكون ردت فعلكم ؟؟

بتفرح ولا بتعصب بتبارك ولا بتكفخ بتتفاهم ولا بتفضح وتصارخ

بتهلي وتهني ولا يتمجع شعرها وتسحبها لغرفتها وتحبسها ؟؟؟؟؟

ودي اعرف ردكم والله ..

أما رايي افضل الزواج التقليدي على الاقل اذا ما نجح

بقط اللوم على هلي واقولهم انتوا اللي زوجتوني اياه

أحسن ما يقولون لي كل ما يصير خلاف بينا مو انتي اللي اخترتيه وحبيتيه

وتزوجتيه غصب عنا .. ( لعينه ) :D

ويعطيك ربي الف عافيه على الموضوع

وفي انتظار جديدك