طبعاا اسفة اكو شيء جديد
صاار روووعة صججج
طبعاا قبل قليل كتبت فية اختى العزيزة على قلبى (( دانت قطر ))
شعر صجج انا كنت اقراء وأرجف من شدة التأثر عشان صجج الموقف
هذا اول مرة مب بسس فى المنتديات لالالا فى حياتى كلها اول مرة يصير فية
جذي وصجج كانت مبدعة (( دانت قطر )) مب غريبة علية بنت قطر فديتها
طبعا هذا هو الشعر حبيت الجميع يشوف صجج شيء جميل
وشعورها معى ماراح انسانة طول عمرى وهم انا حفظت شعرها فى جهازى
تقول بنت قطر (( دانت قطر ))
**************************************************
قالوا اليوم ((( نورة ))) تبني أمجاد
قلت عادي المجد عندها مألوف
ولا المجد والرهى ماهم عليها جداد
كل الحسن متصور(ن)فيها معروف
افرحي يا بنت الخاجة الليلة سعاد
وأنا معك على الخير والمعروف
غنّي وبددي سنين صمت وركاد
غنّي دامك قهرتي قيد الظروف
تخيرتي من العلم خير قصاد
وكل(ن)شهد لك بدرب(ن)مابه زيوف
تذكرناكِ قوية عزوم ومراد
وماشفنه منك وقت الشدة ضعوف
لك على الألواح شهود عداد
تميزتي على الجميع بأولى الصفوف
صدق من قال الخير مايجي بغير اجتهاد
وانتي اجتهادك تعجز تلبيه الحروف
من قدك يابنت الخاجة فوق الأقداد
بالأمس أشقيتي العيون واليوم كل(ن)لك وقوف
حفظك الله من عيون عدوان حساد
سيري على دربك ومعك حنا والألوف
كل(ن)فرح لك وأنا والله أول سناد
أبى أثبت لك عساكِ تصدقي حلوف
نـــورة يا نـــورة يا نــــور الوداد
صدق سمّيك نور(ن) للذي مايشوف
الزين مجتمع فيكِ موادع(ن) بك مرتاد
درب(ن) مضيتيه درب(ن)ماعليه حسوف
إلي يجهلك ما يجهل أمجـــــاد
وإلي ينكرك ماينكر أمجاد(ن) نشوف
لك يا أعز الناس تحايا من الافاد
وتهاني صادقة ما تماريها حروف
مبروك نورة شرف علم(ن) بك جاد
عسى مسعاكِ بالخير دوم محفوف
_______________
واااى والله كلامها رووعة صجج احساسة مرهف
انا هذا اقوى واحلا موقف صاار مب فقط فى منتديات عام كوم لالالا فى حياتى كلهاا
صجج احب اشكرها من قلبى ومب عارفة اشلوون اخرج من جزاج بنت قطر (( دانت قطر ))
بسسسس احب اشكرج واقول للجميع
من أميز العضوات فى المنتدى صجج (( دانت قطر )) صجج قلمها قووي
مشاء الله مثقفة واايد وهم مشاعرها مرهفة وحساسة وهم شاعرة
وصجج انا سعيدة واايد انى عرفتج بنت قطر
شكراا لجج
التعديل الأخير تم بواسطة : نورة الكويتية بتاريخ 07-28-2008 الساعة 08:12 PM. | 
العرض العادي
