عاشق الغيتار

السلام عليكم :)

الموضوع عبارة عن مقابلات مع شرائح مختلفه من المجتمع ... للأخذ بوجهات نظر مختلفه

<FONT COLOR="Red"> وش رايكم يا بنات تسجلون في جامعة البحرين بما أن جامعاتنا مو راضين يقبلونكم؟؟ </FONT c>

موضي: أستحي على وجهك يقولون الدراسه بنات واولاد.
أم أحمد: والله ماخليت بنتي تروح تدرس ... وين القى لها زورج يوافق عليها.
خالد: ياجماعة ليه ماتفرقون بين الأختلاط والخلوه.
تهاني: والله فرصة لأن الأنسان بدون تعليم وثقافه مايسوى هالأيام.
رامي: وي المشكلة ياصبايا ... ليه معأدين (معقدين) الموزوع (الموضوع)

<FONT COLOR="Red"> الأهل صاروا يطلبون بناتهم ينتظرون الى أن يتزوجون عشان يحجون.. </FONT c>

محمد: أنا شاب في مقتبل العمر ... تزوجيني وأحججك.
روان: وش هالجرأه فاتحه موضوع تبين تعرسين فيه
خالد: ياليت كل الأخوان ينتبهون حق حقوق أهلهم عليهم ويكونون أقرب منهم.
مها: ليه أنتي أعتزلتي وبتشتغلين خطابه
أروه: حتى أنا أخواني على طول مشغولين
فؤاد: مشكوره ان ذكرتينا أن لنا خوات مسؤولين عنهم

<FONT COLOR="Red"> وش رايكم بالعولمه </FONT c>

جمال: والله قالوا بيقطعونها عنا اذا ماسددنا الفاتوره.
فيفي: دي حاقه (حاجه) قميله (جميله) ولزم تنتشر .. لأن أي فرح بدنن علمه تورأوص (ترقص) فيه مايبأش فرح.
أبو أيهاب: أختشي يابنت .. أيه السؤال البجح دا ... انا حالف ماتقوزش (ماتزوج) عالمه.
خالد: فيها الزين وفيها الشين ... لكن فيها نوع من الأباحيه اللي ماتناسب لا دينا ولا عداتنا.
سعد: في الحقيقة و الواقع ... ان كلمة عولمة هي كلمة كبيره ... وانا شفت الكثير من البرامج عنها في قناة سبيس تون وكلهم عجبوني وسجلتهم.

<FONT COLOR="Red"> ما رأيكم بعمل المرأة؟؟ </FONT c>

أم أبو عبدالله: ان تسانه محتاجته, وهي عايلة احد ولا تراي ما اؤيد ان المرة الا تحفظ رجلة وتناظر عيالها
د. أيمان: غاية للمرأة بعد التعليم.
تماضر: لا أنا ابي أتزوج غني.
خالد: مافهمت السؤال؟؟
مشاري: انا ناوي أتزوج موظفه ... عشان تصرف علي.
ريهام: والله دوشتونا الناس وصلت الفضاء وأحنا لسه نناقش تعمل او لا تعمل ... الله يفشلكم.

<FONT COLOR="Red"> يقولون مدخول بترول شيبه يساوي مدخول دولة الأمارات من النفط. </FONT c>

أم عبدالله: شيبه هذه نفسها شيبة الراس والا شي ثاني؟؟
أبو خليل: أفااااا ... وانا كنت أبي أشوف لي وظيفه في الأمارات.
جدة رائد: مالت عليكم أنتوا وبترولكم. آآآه على الصافي والهامور ... والله انهم أحسن من بترولكم هذا.
خالد: وليه مازالت الحياة غاليه والأسعار مولعه نار؟؟

<FONT COLOR="Red"> جمع تبرعات لفلسطين </FONT c>

أم سالم: راح أتبرع بطقم الذهب ... يقولون بيطلع الطقم بالتلفزيون.
أبو غيث: شو هالحكي ... والله مابيوصلنا شي.
سعاد: تراكم ذبحتونا ... يوم قاطعوا ... يوم دفعوا ... يوم سبوا ... يوم لعنوا
هبه: والله مادفعته
خالد: يقولون عين عذاري تسقي البعيد وتخلي القريب.

<FONT COLOR="Red"> أفغانستان كسروا الأصنام </FONT c>

هدى: وش دخلني فيهم؟ بحريقه.
مفتي مصر: لا وجه شبه بين تحطيم اصنام الكعبه وبين تحطيم الأفغان للأثار.
فتحي: ده يافندم ... لفت نزر (نظر) للأعلام وتدمير للحضارات والسقافات (الثقافات) الأديمه (القديمه). حركة طلبان مسيرة من أمريكا ... ودل الوأتي هما بيشمون لوحدهم
د. مروان: ليه ماحد تدخل لما منعوا تعليم المرأة؟
خالد: والله مو فاهم الدنيا قايمه ليه؟؟ التماثيل في بلدهم وهم حرين يكسورنها ولا يحرقونها .. وثانيا وش العرب فشلونا ... بلد أسلامي الناس تجمدت فيها من البرد ماحد جاب لهم خبر ... وعلى التماثيل ... بعض المفتين راحوا يشجبون ويستنكرون؟؟

<FONT COLOR="Red"> هل لديك أفكار للقمة العربيه؟؟ </FONT c>

حمود: في الحقيقة والواقع أتمنى لهم التوفيق والسداد.
أم ابراهيم: زوجي حالف أن شفتها ليطلقني .. لأن أخر مره قلت له أن فستان القذافي عاجبني.
خالد: أقول لهم أن القمم للطيور.
ناصر: أقولهم تيتيتيتي زي ماروحتي زي ماقيتي.
مشاعل: أقول لهم خلوا عندكم البربسه.
هاني: أقول لهم ممكن نتعرف؟؟

<FONT COLOR="Red"> أمريكا ضربت العراق ... وش رايك؟؟ </FONT c>

أبو مناحي: يستاهلون ويستاهل الخسيس الدون.
أم ميثه: الله يبيض وجهم والله يخلي لنا بوش الأب والأبن ... أحسن من ابو الحريم كلنتون.
هيله: أعمارنا وأرواحنا فدوه لك يابوش.
خالد: أمريكا خايفه من التقدم الصناعي و الكميائي للعراق ولا تسوي شي الا بصالحها مو بصالحنا.
أبو العبد: أمريكا دخلت الكويت بدها النفط ومابدها تدافع عن الكويت.

<FONT COLOR="Red"> بنت جميله طالعه بتلفزيون ... تقول أنا بحافظ على بشرتي كثير وبستخدم مواد طبيعيه. </FONT c>

أبتسام: مالت عليها والله وجهها ماشاف الحلى. الله يخلي المكياج والأضائة اللي معدلين وجهك الخايس
هنادي: أهم شي الأخلاق.
سعيد: مالت على بناتنا اللي مافيهم وحده حلوه ... يشوفون هالزين بس.
ماجد: وش ذي ياناس أنس ولا ملاك؟؟ والله برسل لها رساله أشوف اذا تتزوجني.
خالد: الى متى سياسة النصب في الأعلانات وبدون حقوق مكتوبه تحافظ على المواطنين.

<FONT COLOR="Red"> أحلام ... أنا فنانة من الطراز الأول. </FONT c>

صالح: والله والطقاقات صار لهم وجه يطلعون بالتلفزيون.
صحفي خليجي: والله اني لا فضحها واحط صورها وهي طقاقه.
أم حمد: أيه أحلام كانت ساكنه جنب بيتنا ... بس لا تعلمون أحد أني قلت لكم.
خالد: يقول محمد عبده ان صوتها حلو ... وانا أتفق معه.
مريم: مالت عليهم بعد ماصنفرة السوده حقة وجها جات تتفلسف.
عبدالرحمن: الله يهديك يا أحلام ويهدي جميع بنات المسلمين.

<FONT COLOR="Red"> في ذبانه محششه تطير فوق صقر ليه ؟؟ ... تظن نفسها نسر </FONT c>

مي: هههههه :) حلوه
سمر: لووووووول ... كووووول :)
مجدي: التحشيش حرام.
وجدي: هههههه ... وان شاء الله ماصدقها الصقر؟؟
خالد: في هذه الحاله يليت تستفيدين منها وتودينها تحضر القمة :)

<FONT COLOR="Red"> في برنامج الشاطر يحكي ... واحد من الحظور قبل مايجاوب قال أنا هيمو سكشويل ... وش رايك فيه؟ </FONT c>

أم غازي: مالت عليه قليل الأدب اللي مايستحي .. السرسري .. السمرمدي.
وائل: يجب تأديبه.
منى: وين ابوه هذا؟؟
لؤي: شكله بايعها.
خالد: اذا لم تستحي فصنع ماشئت ... هذا من مضار العولمه.
طوني: هيدا أسموه حريه شخصيه للأفراد بدون عوأد (عقد) ولا شي.
شمعون: أنا فخور فيه وبشجع كل الشباب يكون عندهم نفس الجرأه.

<FONT COLOR="Red"> في هكر .. أخذ الباس ورد حقت بنت تمت ترقيتها مؤاخرا ... وبدا يرسل من بريدها اللي بالعمل سب حق رأسئها بالعمل ... وصور جنس حق الموجودين معها بالياهو ... والكل يعتقد أنها هي اللي تسوي هالشي ... والى الأن مو قادرين يعرفونه ... وش رايك فيه؟ </FONT c>

أمل: تستاهل ... الترقيه هذي كانت من نصيبي.
خالد: الله يعينها ويهديه.
سلطان: دلوني عليه .. هذا اللمر ... وانا أوريكم اني هكر أحسن منه.
ولد الجيران: هههههه ضحكتوني وانا مالي نفس.
سعودي هكرز: لا يكون يستخدم السب 7 الأصدار الثاني
رانيه: أنا لو منها أستقيل وأقعد بالبيت …. بيكون مالي وجه.

<FONT COLOR="Red"> أحد كبار السن تعاني من آلام بالركب ... وش تنصحونها؟؟ </FONT c>

أم عتريس: المفروز (المفروض) دي الوليه تختشي وتتلم وتدي وأتها (وقتها) لقوزها وولدها.
تغريد: والله هذا من الهياته ولف الشوارع في الصبح من بيت الى بيت ... انا أقول تقعد تحمس بصل في بيتها أحسن لأن ولدها عزيز ناقص وزنه هاليومين.
خالد: يمكن معها دوالي في الساقين من ثقل وزنها :) يليتهم تبلل قطعة قطن بخل التفاح وتحطها على الوريد المنتفخ وتربط مطانها بضمادة وبعدها تسترخي نص ساعه وهي مريحه ساقها بمستوى أرفع من مستوى جسمها. تكرر العمليه مرتين باليوم بالصبح والمساء ... والأفضل انها تتناول ملعقتين خل التفاح في كوب ماء دافئ مره باليوم.
رولا: أوووووه سوفاج ... شكلها عجوز كبيره مررررره

<FONT COLOR="Red"> احد الشباب السعودي يعاني من القشرة بشعره :( </FONT c>

مدحت: يستعمل برت بليس ... انا يافندم بستخدمو من تلات سنين ولسه الأشره بشعري لكن هو مفيد قدا (جدا)
وردة: يا هالشباب السعودي اللي مشاكله ماتخلص .. يوم جوالي ... يوم سيارتي ... أحين شعري .. الله يستر لا بكره يقول أضافري.
خالد: خذ كمية جرجير وافرمه ناعم لين يطلع عصيره خلطه مع ملعقة كحول تلقى الكحول يباع في الصيدليه ... ويدلك شعره فيه على الأقل قبل غسله بساعه ... ممكن ينام فيه ويغسله اليوم الثاني.
خوله: أنا أقول يفرك راسه بقشور رمان الى ان تحترق الجلده و يطلع الدم عشان يحرم يشتكي

نعتذر ... فقد تم أنتقال أرسالنا على القناة الثانيه :)

Real Pearl (ريل بيرل)