حارس القمر

طبعا هذا مثال على الحالة وهي حاله

الوله والخرابييييييييييييط

والله يكسرون الخاطر

هههههههههههااااااااااااااااي

كنت نايم.. وبعالم الأحلام هايم..

مادري في شو كنت أحلم

مره أحس إني أسوق سيارة..

ومره أقول كنت مضيف طياره..

كان الجو بارد..

وكنت متغطي وشارد..

رن التلفون

وقلت ياترى من يكون؟؟

هذا المزعج هل هو صديق ولا مزيون..

هل هو عاقل ولا مجنون؟؟

رديت عليه وأنا كلي شك وظنون!!

وبـرقه بعد ماكنت عصبي أنا إنسان حنون..

سمعت صوت ماتوقعته.. :

ولا في خيالي تخيلته..

ولا حتى بحلمي سمعته..



بنت..



قلت هلا

وقالت اهلين..

نوره موجودة؟؟

قلت وأنا صوتي رايح فيها..

لحظه شوي بناديها..

وجلست أصوت وأقول نوره .. يامن نوره يلاقيها..

ورديت للسماعة وقلت مادري وين راحت الله يهديها..

بس دقيقة ماعندنا نوره!!

وبادر البنت خوف!!

قالت آسفه غلطانة..

قلت ولا يهمك عادي لا تكونين زعلانه؟؟

مايهم اذا ماعندنا بالاسم فلانه..

وقالت شكلك كنت نايم..

قلت لا.. توني قايم..

قالت تدرس ؟؟

قلت الدراسة خلاص باح.. انتي شكلك تدرسين؟؟

كيف اختباراتك ؟؟ عسى أنكم مرتاحين..

قالت باقي لنا ونخلص يومين

وخايفه والله من مادتين..

قلت من الاختبارات لآ تخافين..

دامج الليل تذاكرين..

وعلى الله تعتمدين..

واللي يزرع جح ( بطيخ ) ما يحصد يقطين..

أهم شي انك ماتنسين..

قبل الاختبار الله تدعين..

ومن إبليس تتعوذين.. << هذي نصايح حق الجنــــــــــي

خلقه من نار وخلقنا من طين.. وجلسنا نسولف في أمور..

من شو اسمك الين غلاء المهور..

قالت اسمي (ود) وقلت لها انا محمد..

وقالت صدفه غريبة اسامينا فيها دال..

تصدق كنت أتمنى يسموني نوال!!

تصدقين وأنا كنت أتمنى يسموني جمال

وجلسنا نسولف في بحور الشعر والموال..

وماهمنا كلام الناس والعذال..

وفجاءة خلصت السوالف ولا لقينا اللي ينقال؟؟

وسكتنا..

وبدلع..قالت أنت تشجع النصر؟؟

قلت في قلبي.. مادري أجاوبك بكف ولا بنعال..

بالله عليك هذا سؤال؟؟

قلت أنا هلالي.. وما يهمني القيل والقال.. << احلى

هذا الكوماندوز هذا حبه طاح في القلب ولا ينشال..

والشمس مايغطيها مشخال..

قالت شمعنى الهلال!!..

قلت يا بنت.. الهلال فن ولعب ويفوز باللي حضر..

وجمهوره له كلمة وامر..

يابنت..لا تغريني بالكثير..

لو تضربين مليون بصفر تساوي صفر.. << احم

و حتشرنا وشبينا.. بس بسرعه انطفينا..

الظاهر بعضنا هوينا..

وبدرب الحب ابتدينا..

قالت.. محمد..

قلت آمري يا ود..

قالت أوصف لي شكلك..

هذا وين توهقنا..

شوفي العرب لونهم واحد

ولسانهم واحد.. واحلف بالله ولا غيره أحد

أني ماني طويل ولا قصير..

شعري ناعم مثل الحرير..

قالت والعيون..

قلت العيون شبرين في ثلاثة أشبار

قالت أسد..

قلت شكرا يا أحلى شهد

المهم إن تواعدنا..

والموعد باجر في المول قررنا..

بين خوف وامل تواعدنا..

وقضيت ليلتي في حيرة..

وش البس؟؟ جنز ولا كندوره والله حيرة..

مافي غيرها يفك الحيرة.. شيشه و تعميرة..

ورجعت للبيت أعاتب أمسي وابتسم لغدي..

وبصعوبة نمت.. قعدت أتقلب وون..

يا قلبي قلي شو اللي من الحب أهون؟؟

غريبة هالدنيا غريبة..



وراحت ليلتي.. وزادت بلوتي..

اليوم موعدي.. أنا والحب بنلتقي..

وكشخت

لبست فوق راسي غترتي..

في مكان اللقاء تغيرت حتى خطوتي..

صرت ارتجف وأترنح بمشيتي..

كائني انساق للموت وهاذي نهايتي..

مب سوالف شجاعة.. هذي اكبر بطولاتي..

إذا خسرت بتضيع أحلى أمنياتي..

جلست أدور وألف وحول المكان أطوف..

وين هذيك العين اللي عليها قلبي ملهوف..

ود؟؟ ياليت الناس تجي وتشوف..

وفجاءة..

وصلني مسج..

يقول..



سويتها فيك

رد بيتكم وخل عنك هالسوالف ياتـعبان

روح نام ..

تعيش وتاكل غيرها

و سويتها فيك ..

:المرسل

الــــــــــــــــــوالده

هههههههههههههههااااااي ..

__________________
[IMG][/IMG]