[size=2]هلاوالله ومليون غلا تو مانور المنتدى [/size] [color=#00008B
]
الـسلام عليكم يا اصدقاائي حبيت اتناقش معاكم وانتوا اتناقشون وياي باللي يصير
عندنا في قطر شي غير طبيعي
باقولكم موقف مر علي في (( الستي ))
كنت رايحه مع اهلي الستي واسمع ضحك هستيري غير طبيعي من (( مجموعة شباب ))
صابني نوع من الفضول (( شنو صاير ؟ )) لمعرفة سبب الضحك الهستيري العالي جدا
والملفت في نفس الوقت عرفت السبب لما شفت وحده دبدوبه (( مليانه )) لابسه عبايه (( ضيقة ))
ومكياج (( كامل )) كأنها رايحه (( عرس )) واللي ملفت في الشكل
تسريحة شعرها من تحت (( الشيلة )) نفس (( سنام الجمل ))
والمضحك ان يوم يات بنت صغيره اتقول لها (( ايديده ايديده ))
يعني اطلعت المحروسه (( جده ))
بادخل في الموضوع على طول انا مستغربه من الاشكال الغريبه اللي انشوفها في المجمعات
البنات مع (( الشيلة )) الطايحه نص شعرها (( يبين او طالع ))
وغير المكياج اللي يحطوونه على (( ويهم ))
ومره شفت وحده والله العظيم ماقص عليكم الشيلة حتى (( مالافتها ))
بس جذي حاطتها على راسها وشعرها كله يايبته جدام
يعني اتروينا اياه (( ليش هالحركات انا مادري ))
يعني هم يعتقدون ان هالشي ملفت للشباب
بالعكس لو الشاب فكر ان يرتبط ماراح يرتبط مع هالاشكال
وغير العبايات الغريبه اللي اشووفها
مفتووحه من البطن واترويكم اشلابسه
كأنه محد عنده بنطلون الا اهيه
ليش زين هالحركات ؟؟
انا ابي اعرف ؟
وبالنسبة للشباب لهم ظاهره غريبة
ماتعرفين اذا هاي قطري ولا عربي
لابس له لبس (( الهيب هووب )) والاباط (( الله يلوع جبده )) كله يبين شكله مقزز
وبالاضافة اللي يلبس ثووب وشعره اطول من شعر اخته
استشوار وغير القصات اللي امقصص شعره
ويتلككون ان الرسول ((ص )) علية الصلاة والسلام كان يطول شعره
للأسف مااتذكر الحديث
بس اللي اتذكره ان الرجل لما يطول شعره يستحب ان يكون للنحر او الجتف
واللي اشووفه يتسابقون في الطول
واسمحولي اذا غلطت على حد والله من وراء القصد
ان شالله ماسببت احراج او زعل حق الجنسيين
بس انا هالظاهره الغريبه لازم نتناقش فيها
ويلا ااعضاء المنتدى خلونا نتناقش وعطوني ردودكم [/color]
مــع فـائق احتــــرامي {{ بنــــــــــت شيـــــــــــــــــــــــــوخ }}
:36_3_13[1]: