الســــــــــــــــــــــــــــــــــــلام عليكم
عجزت اداري بحروف(ن) اتلعثم في لساني .. دمعة(ن) ذبحني هدرها من عيونك علشاني
ماعمري حسيت بدفى اكثر من ضمة وداعك .. واكثر من ضعفي لما بكيت ولابإيدي غير سماعك
كنت غارق بصمت دمعي وانت ماسك بإيديني .. ماخذني توديني لحد ماتشوفك بعده عيني
وقمت تدعيلي والي ذبحني انك على نفسي توصيني .. وانا من غيرك كيف بمضي ومن غيرك بيهتم فيني
شفتك تسير بدرب وانا رايح بدرب .. فاقد كل احاسيسي ماظل فيني قلب
تركت الروح عندك و رحلت ولا ادري .. ان كنت برجع لذاك المكان لحظة من عمري
لكني ادري هل مكان ماظل فيه باقي .. غير طيفك وألم ذكراك يدوي بأعماقي
تدري اني تحديت الظروف لجل ابقى معك .. جيتك بقربك وتعودت اني اشوفك واسمعك
تدري وشكثر عشقت النظرة في عينك .. و اني عشقت البرد من لمسة ايدينك
مدري وشكثر بشتاق لحنانك وضمتك .. بس الله يعيني على فراقك و فقدتك
في كل مرة اقول اني وصلتك وانا بعدي ماوصلتك .. وكل مرة يجتاحني امل الا هل مرة حسيت اني فقدتك
صفحاتي البيضة امتلت من حروف دمعي .. ماقويت اكتب وكلمة وداعك تتردد بسمعي
صرت شاعر بليا مشاعر ولا عنوان .. ما للقصيدة من بعد فرقاك بقلبي مكان
سنين وانا عاجز اكتب عن فراقك .. والحين اسأل ان كان اسمي باقي بأوراقك
وان كنت ناوي تخليني من الماضي .. اوعدك اترك هل مكان واخليه فاضي
وان كنت ناوي تشيلني ذكرى امانة .. تخليني احلى ذكرياتك وتحفظ هوانا
انا لامني حنيت اعرف وين دربي يوديني .. وانت ان كان حنيت تعرف وين تلاقيني
اوعدك ابقى على حبك يا اجمل ماحصلي .. وببقى على حبك حتى يصير قبري محلي!
.................
تحيــــــــــــــــــــــــــــــاتي لكمـــ
άι ισσzά άι7мяά