 عونك ياوطن كتبتها للعراق الجريح
غــارك بــــــالدما ودمـــوعك انته تسيـــل
واهــلك بــــالجذب مـــــاكالو انته شبيـــك
عـــونك يــــاوطـن ويهونــن الصعبـــــات
جرحك بالظهر والـــــغدرناكل بيــــــــــك
غـــدرو بيـــك اهـــلك لبســـوك ســـــوار
سوار من الالــم والــقتـــل والتـــفــكيــــك
فــــــــداك العيــن والـمهجـــه والدلــــلال
تؤمـر يـــاوطن وشمــــا ردت لانطيــــك
اقـــدم روحي شــايــلهــا علــى الكفيــــن
عزيزه الروح لـكــن ماتعز عليـــــــــــك
عـــونك يــــاوطن ونته الجنت عنــــوان
جنت بين الـدول ما واحــد يجــــاريــــك
جنت بيـت ومــلاذ تلــوذ بيك النــاس
يا اعظم وطن شحجي وشكول عليــك
جنت ماعون يشبع منه كل جوعـــــــان
وجنت تجير كل ملهوف مر بيــــــــــك
وجنـت مظيـف ودلالك يفيحـن هـيــــل
وجنت مهيوب وحنه نفاخــر بطاريــك
وجنت تاج العرب بس دارت الايـــــام
عـليـك وشمت كــــل نذل مايدريــــــك
مايدريك صرح وصعب يهزك ريــــح
رغم كل المئاســي الجانت تمـر بيــــك
احبك ياوطن حب ماينوصف باشعـــار
احبك ياوطن وبروحي انــــا افديـــــك
انا اعشك ترابك واعشك احلا اشجار
انسكن من دجله وفرات وعذب جاريك
بنيناك بعــمرنـــا ود مـــروك بــيــوم
شمــاطال الزمــن هم نرجــع ونبنيـــك
هـانت ياوطن فجــرك قـريب شــروق
انته العلمتنه انبيع كل عمرنه ونشريك |